ആന്തെ 2026 വിദ്യാര്ഥികള്ക്ക് 100 ശതമാനം വരെ സ്കോളര്ഷിപ്പ്
കൊച്ചി: സ്കോളർഷിപ്പ് പരീക്ഷയായ ആകാശ് നാഷണല് ടാലന്റ് ഹണ്ട് എക്സാം (ആന്തെ) 2026ന്റെ രജിസ്ട്രേഷന് ആരംഭിച്ചതായി ആകാശ് പ്രതിനിധികൾ വാര്ത്താ സമ്മേളനത്തില് അറിയിച്ചു. വിദ്യാര്ഥികളുടെ കഴിവുകള് തിരിച്ചറിയുന്നതിനും മത്സരപരീക്ഷകള്ക്കുള്ള തയ്യാറെടുപ്പ് വിലയിരുത്തുന്നതിനുമായി നടത്തുന്ന പരീക്ഷയില് കഴിഞ്ഞ 16 വര്ഷത്തിനിടെ ഒരു കോടിയിലധികം വിദ്യാര്ഥികള് രജിസ്റ്റര് ചെയ്തിട്ടുണ്ട്. ശാസ്ത്രീയമായ വിലയിരുത്തലിലൂടെ വിദ്യാര്ഥികളുടെ വിഷയാധിഷ്ഠിത അറിവ്, വിശകലനശേഷി, പരീക്ഷാസമയത്തെ സമീപനം എന്നിവ പരിശോധിക്കുന്നതാണ് ആന്തെയെന്ന് അധികൃതർ പറഞ്ഞു. പ്രകടനത്തിന്റെ അടിസ്ഥാനത്തില് 100 ശതമാനം വരെ സ്കോളര്ഷിപ്പും 2.5 കോടി രൂപയുടെ ക്യാഷ് പ്രൈസുകളും നേടാനുള്ള അവസരമുണ്ട്.
ഓണ്ലൈന് പരീക്ഷ 2026 ഒക്ടോബര് 27 മുതല് നവംബര് 1 വരെയും, ഓഫ്ലൈന് പരീക്ഷ ഒക്ടോബര് 11, 25, നവംബര് 1 തീയതികളിലും നടക്കും. അഞ്ചാം ക്ലാസ് മുതല് പന്ത്രണ്ടാം ക്ലാസ് വരെയുള്ള വിദ്യാര്ഥികള്ക്ക് പങ്കെടുക്കാം. പരീക്ഷയ്ക്ക് ശേഷം വിദ്യാര്ഥികള്ക്ക് വിശദമായ ‘ആന്തെ ഇന്റലിജന്സ് റിപ്പോര്ട്ട്’ ലഭിക്കും. ഇതിലൂടെ സ്വന്തം ശക്തിയും മെച്ചപ്പെടുത്തേണ്ട മേഖലകളും ദേശീയതലത്തിലുള്ള പ്രകടനനിലയും മനസ്സിലാക്കാന് സാധിക്കും.
നീറ്റ് യുജി 2026-ല് ആദ്യ 100 റാങ്കര്മാരില് ആകാശിന്റെ 41ല് 31 പേരും നേരത്തെ ആന്തെയില് യോഗ്യത നേടിയവരാണെന്നും ജെഇഇ അഡ്വാന്സ്ഡ് 2026-ലെ ആദ്യ 100 റാങ്കര്മാരില് 11ല് ഏഴ് പേരും ആന്തെയിലൂടെ എത്തിയവരാണെന്നും വാര്ത്താ സമ്മേളനത്തില് അധികൃതർ പറഞ്ഞു. ആന്തെ 2026-ലേക്കുള്ള രജിസ്ട്രേഷന് ഔദ്യോഗിക ആന്തെ പോര്ട്ടല് വഴിയും രാജ്യത്തുടനീളമുള്ള ആകാശ് സെന്ററുകള് വഴിയും നടത്താം. നൂറു രൂപയാണ് റജിസ്ട്രേഷന് ഫീസ്. വാര്ത്താ സമ്മേളനത്തില് പ്രഭ പുഞ്ച്, സ്റ്റേറ്റ് ഹെഡ് മിഥുന് ആര് ചന്ദ്രന്, ഡെപ്യൂട്ടി റീജ്യണല് സെയില്സ് ആന്റ് ഗ്രോത്ത് ഹെഡ് ജയകൃഷ്ണന് കെ.പി, ബ്രാഞ്ച് ഹെഡുമാരായ സുഭാഷ് ചന്ദ്രബോസ്, വിനോദ് കുമാര് എന്നിവര് പങ്കെടുത്തു.
