ബ്രാഹ്മിന്സ് എക്സ്പ്രസ് മിക്സ് ബ്രേക്ക്ഫാസ്റ്റ് ശ്രേണി പുറത്തിറക്കി വിപ്രോ
കൊച്ചി: വിപ്രോ കണ്സ്യൂമര് കെയര് & ലൈറ്റിംഗിന്റെ ഫുഡ്സ് ബിസിനസിന്റെ ഭാഗമായ വിപ്രോ ബ്രാഹ്മിന്സ് രൂപകല്പ്പന ചെയ്ത റെഡി-ടു-കുക്ക് പ്രഭാത ഭക്ഷണ ശ്രേണിയായ ‘ബ്രാഹ്മിന്സ് എക്സ്പ്രസ് മിക്സ്’ വിപണിയിലിറക്കി. വീട്ടിലുണ്ടാക്കിയ ഭക്ഷണത്തിന്റെ പരമ്പരാഗത രുചിയും വിശ്വസനീയമായ ചേരുവകളും വേഗത്തിലും സൗകര്യപ്രദവുമായ ഫോര്മാറ്റില് സംയോജിപ്പിച്ച്, 10 മിനിറ്റിനുള്ളില് വീട്ടിലുണ്ടാക്കിയ തരം പ്രഭാതഭക്ഷണം സാധ്യമാക്കുന്നതാണ് ഈ ശ്രേണി. ‘ബ്രാഹ്മിന്സ് എക്സ്പ്രസ് മിക്സ്’ ശ്രേണിയില് എട്ട് ഇന്ത്യന് പ്രഭാതഭക്ഷണ വിഭവങ്ങളാണ് ഉള്പ്പെടുത്തിയിരിക്കുന്നത് – റൈസ് ഇഡ്ലി, റൈസ് ദോശ, റവ ഇഡ്ലി, റവ ദോശ, റാഗി ഇഡ്ലി, റാഗി ദോശ, ഉപ്പുമാവ്, പൊഹ. എക്സ്പ്രസ് മിക്സ് ഉല്പ്പന്ന ശ്രേണിയിലെ പൊഹയും ഉപ്പുമാവും വെറും മൂന്ന് മിനിറ്റിനുള്ളില് തയ്യാറാക്കാന് കഴിയും, അതേസമയം മറ്റ് ഉല്പ്പന്നങ്ങള് 10 മിനിറ്റിനകം എളുപ്പത്തില് തയ്യാറാക്കാം.
എക്സ്പ്രസ് മിക്സിലൂടെ, ഇന്നത്തെ തലമുറയുടെ പ്രതീക്ഷകളെ അഭിസംബോധന ചെയ്യുകയാണ് ബ്രാഹ്മിന്സ് ചെയ്യുന്നത്. കൃത്രിമമായ കൂട്ടിച്ചേര്ക്കലുകള് ഇല്ലാതെ, ബ്രാന്ഡിന്റെ ശുദ്ധമായ ചേരുവകള് പാലിക്കുന്ന രീതികള്ക്ക് അനുസൃതമായി, പ്രിസര്വേറ്റീവുകളില്ലാത്ത ഫോര്മുലേഷനുകള് പിന്തുടരുന്നു എന്നതും ബ്രാഹ്മിന്സിന്റെ സവിശേഷതയാണ്. ഏകദേശം നാല് പതിറ്റാണ്ടുകളായി, 100% സസ്യാഹാര ഉല്പാദനം മാത്രമുള്ള കേന്ദ്രത്തിലെ ഉല്പാദനത്തിന്റെ പിന്തുണയോടെ, വിശ്വാസം, പരിശുദ്ധി, സ്ഥിരതയുള്ള മാനദണ്ഡങ്ങള് എന്നിവയില് അതിന്റെ പ്രശസ്തി കെട്ടിപ്പടുത്ത ബ്രാന്ഡാണ് ബ്രാഹ്മിന്സ് എന്ന് വിപ്രോ ഫുഡ്സിന്റെ പ്രസിഡന്റ് അനില് ചുഗ് പറഞ്ഞു.
പ്രിസര്വേറ്റീവ് രഹിത കൂട്ടുകള് ഉപയോഗിച്ച് യഥാര്ത്ഥ രുചി നിലനിര്ത്തുന്നതിനൊപ്പം പാചക പ്രക്രിയ ലളിതമാക്കുന്നതിലാണ് ശ്രദ്ധ കേന്ദ്രീകരിച്ചിരിക്കുന്നത്. പുതിയ വിപണികളില് കൂടുതല് ലഭ്യത ഉറപ്പാക്കുന്നതിനായി ബ്രാന്ഡ് ദ്രുത വാണിജ്യ, വ്യാപാര ചാനലുകളിലുടനീളം ലഭ്യത വിപുലീകരിക്കുമെന്നും വിപ്രോ ഫുഡ്സിലെ നിറപറ ആന്ഡ് ബ്രാഹ്മിന്സ് ബിസിനസ് ഹെഡ് സണ്ണി തോമസ് പറഞ്ഞു. ബ്രാഹ്മിന്സ് എക്സ്പ്രസ് മിക്സ് ശ്രേണിയുടെ വില ഇഡ്ഡലി, ദോശ പായ്ക്കുകള്ക്ക് (200 ഗ്രാം) 75-80 രൂപയും, പോഹ, ഉപ്പുമാവ് പായ്ക്കുകള്ക്ക് (60 ഗ്രാം) 30-40 രൂപയുമാണ് വില.കര്ണാടകയിലും കേരളത്തിലും പൊതുവിപണിയ്ക്കൊപ്പം ആധുനിക വിപണന പ്ലാറ്റുഫോമുകളിലും ഇത് ലഭ്യമാണ്. അതുപോലെതന്നെ, ദേശീയതലത്തില് സ്വിഗ്ഗി ഇന്സ്റ്റാമാര്ട്ട് വഴിയും ഈ ശ്രേണി ലഭ്യമാണ്. ബെംഗളൂരു, മുംബൈ, ഡല്ഹി, ഹൈദരാബാദ്, ചെന്നൈ, ജയ്പൂര്, പോണ്ടിച്ചേരി എന്നിവയുള്പ്പെടെയുള്ള ടയര് 1, ടയര് 2 നഗരങ്ങളിലുമുള്ള മറ്റ് ഇ-കൊമേഴ്സ് പ്ലാറ്റ്ഫോമുകളിലേക്കും ഇത് ഉടന് വ്യാപിപ്പിക്കും.
